Onnur tíðindi

Ungdómssvenjarin vitjaði borgarstjóran

Rasmus D. Haahr, sum um miðjan apríl varð settur sum høvuðsungdómsvenjari hjá B68, vitjaði borgarstjóran seinnapartin.

Súni í Hjøllum, borgarstjóri, nýtti høvi at bjóða honum hjartaliga vælkomnum í Nes kommunu og ynskti honum eisini allarbestu eydnu í nýggja starvinum.

 

 

Rasmus D. Haahr, ið er 32 ár, hevur UEFA A Pro venjaraprógvið umframt ein BA í Ítrótti frá Københavns Universitet.

Rasmus kemur úr Keypmannahavn, har hann hevur lisið til lærara. Harafturat hevur hann røkt eitt venjarastarv í HB Køge. Tvey tey komandi árini verður hetta tó skift út við nýggjar avbjóðingar á Svangaskarði.

Rasmus sigur, at hann hevur fingið eina sera góða móttøku í Tofta Ítróttarfelag og frá fólki annars, og hann er fegin um at hava fingið møguleikan at verða við til at menna fótbóltin millum yngra ættarliðið í B68.