Forfatter: Súni í Hjøllum

Nes kommuna ynskir øllum borgarum eini gleðilig jól og eitt eydnuberandi nýggjár.

Skrivstovan hjá Nes kommunu er stong millum jól og nýggjár.

Skrivstovan letur aftur 22. desember og letur upp aftur 2. januar.

Borgarar við átrokandi boðum kunnu venda sær til vakttelefonina tlf. 448144.

Nes kommuna ynskir øllum eini gleðilig jól og eitt eydnuberandi nýggjár.

Umsókn um at brenna nýggjársbál

Sambært kunngerð um burturkast nr. 147 frá 19. oktober 1995 er krav, at
góðkenning skal fáast frá kommununi at brenna nýggjársbál.

Søkjast kann um loyvi hjá Skálafjarðar Kommunala Sløkkiliði á Telefon 448235 
ella skalslok@olivant.fo innan 31. desember, klokkan12.00

Treytirnar fyri at fáa loyvi eru hesar:
• at bert reinur, óviðgjørdur og turrur viður verður nýttur
• at støddin á bálinum er í mesta lagi 3 metrar í diametur og 2 metrar í hædd
• at bál, størri enn 3 metrar í diametur og/ella 2 metrar í hædd, skulu
frammanundan góðkennast av Sløkkiliðnum við sýn á staðnum og verða
bert loyvd, um Sløkkiliðið metir trygd og frástøðu at verða hóskandi til
umstøðurnar
• at veðrið er til vildar
• at frástøða til hús og lutir verður nóg stór, og á góðkendum stað
• at navnsnevndur ábyrgdarpersónur er á staðnum og at navn, adressa og telefonnummar verða upplýst Sløkkiliðsstøðini á telefon 448235, ella teldupost skalslok@olivant.fo
• at um neyðugt verður hjá Sløkkiliðnum at fara á staðið at sløkkja ella rudda,
er tað navngivni ábyrgdarpersónurin, ið fær rokning
• at økið verður ruddað í seinasta lagi dagin eftir
• mælt verður til, at hava spannir ella vatnkør á staðnum til sløkking ella
køling í samband við møguligar brunaskaðar

Hesar treytir skulu tryggja, at bálbrenningin verður gjørd við skynsemi,
umframt at minst møgulig umhvørvisárin standast av brenningini.

Bústaðir, Føroya bústaðarfelag, hevur samtykt at byggja 2 íbúðareindir á Toftum við í minsta lagi 16 íbúðum. Umframt leiguíbúðir, metir Bústaðir, at verkætlanin eisini kann innihalda lutaíbúðir.

Íbúðirnar verða bygdar miðskeiðis á Toftum, nakað norðanfyri sambýlið Vesturskin, ella omanfyri Oyrahandilin og bátahylin.

Ætlanin er, at arbeiðið við vegagerð, útgrevstri og planering verður liðugt í mai 2018. Arbeiðið verður boðið út í februar í 2018, og byrjar beinanvegin.

Ætlanin er, at íbúðirnar verða umleið 75 fermetrar til støddar, og møguliga onkur nakað minni. Bústaðir fer at kunnað nærri um íbúðarætlanina tíðliga í komandi ári, tá arbeiðið við fyrireiking og tekning av íbúðunum er liðugt.

 

 

 

Tey, sum hava áhuga at leiga fimleikarhøllina í jólafrítíðini, frá 23. desember til 1. januar, kunnu venda sær til Hans Erik Danielsen, telefon 291967.

 

Lýst verður eftir einum lærara til Tofta skúla at undirvísa í føroyskum og enskum í 7 flokki, donskum í 8. flokki, serligum tørvi, heimkunnleika og svimjing.

Umsóknarfreistin er fríggjadagin 29.desember kl. 12.00.
Nærri fæst at vita um starvið frá Olafi Magnussen, varaskúlastjóra á tlf. 565015.

Sí meira undir leyst størv.

 

Brandbilurin kemur við jólamonnunum til Toftir kl. 16.00 leygardagin 16.12.2017. Teir syngja nakrar sangir og hava pakka við til børnini.

Frá í dag av eru dagstovnarnir í Nes kommunu – vøggustovan, barnagarðurin og frítíðarskúlin – stongdir vegna verkbann.

Fyri tíðina stovnarnir eru stongdir vegna verkbann, skulu foreldur ikki gjalda foreldragjald. Foreldragjaldið verður uppgjørt og endurgoldið tá semja er gjørd millum Føroya Pedagogfelag og Kommunala Arbeiðsgevara felag.

 

Kunning frá Nes kommunu

Vísandi til niðanfyristandandi fráboðan verður kunngjørt, at dagstovnarnir í Nes kommunu – vøggustovan, barnagarðurin og frítíðarskúlin – eru opnir sum vanligt týsdagin 12/12 og mikudagin 13/12.

Frá hósmorgni 14/12, kl. 07.00 er stongt vegna verkbann.

Nes Kommuna

————————————————

Fráboðan frá Kommunala Arbeiðsgevarafelagnum

Kommunala Arbeiðsgevarafelagið hevur á fundi í dag 11.desember 2017 avgjørt at lýsa verkbann fyri allar námsfrøðingar og hjálparfólk, ið eru limir í Føroya Pedagogfelag – og sum starvast á kommunalu dagstovnunum og í dagrøktarskipanum kring landið.

Verkbannið fyri pedagogar og hjálparfólk á dagstovnum og í dagrøktum kring landið verður lýst at koma í gildi hósdagin 14. desember 2017 kl. 07.00.

Nevndin í Kommunala Arbeiðsgevarafelagnum hevur í dag saman við limakommununum viðgjørt støðuna á dagstovnaøkinum í sambandi við, at Føroya Pedagogfelag leygardagin tann 9. desember 2017 gjørdi av, at lýsa verkfall fyri allar leiðarar og varaleiðarar á dagstovnum og dagrøktum í kommununum.

Niðurstøðan á fundinum var, at kommunurnar ynsktu at taka samráðingarnar uppaftur. Hetta ynskir Pedagogfelagið tíanverri ikki.

Í øðrum lagi varð staðfest, at kommunurnar ikki við vissu kenna tær ítøkiligu avleiðingarnar av, at leiðslurnar fara í verkfall. Av somu orsøk kunna kommunurnar ikki forsvara, at dagstovnarnir í longru tíð verða riknir uttan nakra leiðslu.

Kommunurnar harmast íkomnu støðuna, og verkbannið verður fyrst og fremst lýst fyri at fáa arbeiðssteðgin so stuttan sum møguligt og fyri at fáa partarnar aftur til samráðingarborðið skjótast gjørligt.

Vegna Kommunala Arbeiðsgevarafelagið

Annika Olsen

Forkvinna

Aftur í ár fara næmingar hjá Nes Sóknar Musikkskúla at hava jólakonsertir.

Týskvøldið 12. desember kl. 18.00 í skúlanum á Toftum.
Skráin sær á leið soleiðis út:
18:00 klavernæmingar
19:00 violinnæmingar
19:30 musikkskúlaorkestur og cellonæm.
20:00 træblásaranæmingar

Mikukvøldið 13. des kl. 19.30 í kirkjuni á Glyvrum:
Nes Sóknar Hornorkestur við næmingum

Leygardagin 16. des klokkan 16:00 í E 6 í skúlanum við Løkin:
Herluf Lützen hevur konsert við sínum næmingum