Nes kommuna hevur samtykt at verða við í tiltakinum Earth Hour 2018, sum verður hildin um allan heim leygardagin 24. mars 2018 millum kl. 20. 30 og 21.30, við at sløkkja gøtuljósini í 1 tíma. Evnið fyri Earth Hour í ár er ”Sluk Lyset. Tænd for for livet”.
Við at luttaka í Eart Hour vísa vit, at kommunan tekur veðurlagsbroytingarnar í álvara, og at kommunan ynskir eina ljósari og tryggari framtíð fyri okkara eftirkomarar.
Mánakvøldið 19. mars 2018, kl. 20.00, verður kunningarfundur í Tofta skúla fyri borgarum í Nes kommunu.
Skrá: Kunning um tunnilsarbeiði í Rókini og arbeiði við at leingja grótkastið á Toftum við tunnilsgróti.
Umboð fyri P/F Eystur- og Sandoyartunlar greiða frá arbeiðinum viðv. Eysturoyartunlinum í Rókini og umboð fyri Nes kommunu greiða frá arbeiðnum viðv. grótkastinum.
Kunningarskriv frá Eystur- og Sandoyartunlar:
Í samband við Eysturoyartunnilin, er nú farið undir at fyrireika vegaføringina á Rókini og um skamma stund verður farið undir at fyrireika sjálvan tunnilsmunnan.
Vegaføringin norðan fyri Rókina
Í samband við ger av rundkoyring á útfyllingina norðan fyri Rókina við tilhoyrandi vegum, verður landsvegurin fluttur út á útfyllingin, soleiðis at arbeiðið við sjálvum tunnilsmunnanum kemur at henda innanfyri landsvegin. Tí kann roknast við at ferðslan verður órógva ísmb. við sjálva umleggingina.
Rókavegurin í byggitíðini
Tá ið tunnilsmunnin verður fyrireikaður, má spreingjast inn í helluna, fyri at gera pláss fyri at byggja tunnilsportalin uttanfyri sjálvan tunnilin. Neyðugt verður tí at steingja Rókavegin av við eystastu húsini í eitt longri tíðarskeið. Orsøkin er at tunnilsportalurin gongur undir Rókavegin. Eftir at portalurin er liðugur, verður Rókavegurin lagdur aftur, omaná tunnilsportalin. Spreingiarbeiðið byrjar væntandi um miðjan mai 2018 ella kanska heldur fyrr. Roknast kann tí eisini við, at ferðslan á landsvegnum verður ávirka í styttri tíðarskeið, tað løtuna skotini verða latin av. Væntandi verður Rókavegurin stongdur í 1-2 ár.
Spreinging av tunnilsmunna
Tá sprongt verður, fara tunnilsfelagið og NCC/J&K Petersen, at fylgja við og máta hvussu sterkar ristingarnar frá spreingingunum verða. Hetta verður gjørt fyri at avmarka váðan fyri at skaði kemur á hús í økinum orsaka av ristingunum. Hartil verða skotini vard við spreingimáttum. Fyri at máta ristingarnar verða ristimátarar settir á tey nærmastu húsini. Í tí sambandi fara vit at venda okkum til teir húseigarnar, har vit kundu hugsa okkum at sett ristimátarar upp. Tólið verður eftir nærri avtalu við húseigaran sett fast á betongvegg við einari lítlari skrúvu.Undirritaði ringir so til teir húseigarar, har ristimátarar skulu setast upp.
Eru spurningar, ber til at ringja til undirritaða.
Í samband við at arbeiðið við Rókina byrjar av álvara verður ein stuttur kunningarfundur hildin í skúlanum á Toftum mánakvøldið 19. mars kl. 20. Á fundinum fara umboð fyri Nes kommunu eisini at kunna um ætlanirnar við grótinum, sum kommunan móttekur frá Eysturoyartunlinum.
Vinarliga
Herman Lindberg, tlf. nr. 231 001
p/f Eystur- og sandoyartunlar
Nú er møguligt at bíleggja tíð umvegis heimasíðuna minlaekni.fo og fáa boð umvegis SMS og teldupost, at tíðin er avtalað. Tú fært eisini eina áminning umvegis sms, áðrenn tú skalt til lækna. Á heimasíðuni kanst tú eisini endurnýggja recept og avlýsa tíðina.
Spar tíð og avgreið tíni viðurskifti á: www.minlaekni.fo
Læknaviðtalurnar fingið nýggj telefonnummur:
Kári Rasmussen, Læknaviðtala I, Heilsumiðstøðin í Runavík 47 70 10
Joan Skibenes, Læknaviðtala II, Heilsumiðstøðin í Runavík 47 70 20
Læknaviðtala III. Heilsumiðstøðin Í Runavík 47 70 30
Læknaviðtala IV, Læknaviðtalan á Strondum 47 70 40
Musikkskúlanæmingar hava konsert í Løkshøll týsdagin 13. mars klokkan uml. 17:30.
Konsertin skal síggjast sum eitt framhald av veningararbeiðinum henda týsdagin.
Umframt orkestrið er eisini annar tónleikur á skránni.
Øll eru hjartaliga vælkomin.
Mikudagin 14.03.2016 kl. 16.00 verður hugnaløta í Tilhaldinum og teir frá Undirhúsinum koma at syngja.
Øll eru hjartaliga vælkomin
Kappingarárið 2018 í fótbólti byrjar komandi vikuskifti. Besta liðið hjá B68 monnunum hevur heimadyst í sínum fyrsta dysti. Mótstøðuliðið verður suðuroyarliðið TB/FCS/ROYN og dysturin verður leygardagin 10. Mars, kl. 16.00.
Frá B68 verður sagt, at ymiskt verður á skránni til hvønn heimadyst hjá monnunum. Leygardagin fer Bill McLeod Jacobsen at greiða frá taktiska upplegginum 10 minuttir áðrenn dystarbyrjan og formaður felagsins, Jóhannus M. Olsen, fer at greiða frá ætlanunum í 2018. Undirhúskórið syngur og børn fáa ókeypis sunkist og góðgæti.
Betrideildin hjá kvinnum byrjar sunnudagin 11. Mars. B68 hevur heimadyst móti HB. Dysturin byrjar kl. 15.00
Allir B68 heimadystir verða ókeypis í 2018.
Heilsudeplinum við Skálafjørðin – nýggj telefonnummur og heimasíða hjá kommunulæknaviðtalunum
Frá mánadegnum 5. mars hava kommunulæknaviðtalurnar hesi telefonnummur:
Kári Rasmussen, Læknaviðtala I, Heilsumiðstøðin í Runavík 47 70 10
Joan Skibenes, Læknaviðtala II, Heilsumiðstøðin í Runavík 47 70 20
Læknaviðtala III. Heilsumiðstøðin Í Runavík (frá 12. mars) 47 70 30
Læknaviðtala IV, Læknaviðtalan á Strondum 47 7040
Mánadagin 12. mars verður heimasíðan MÍNlækni – www.minlaekni.fo – tikin í nýtslu. Leinkja til MÍNlækni er ovast á hesi heimasíðu, á reyða bjálkanum.
Bílegg tíð og fá boð aftur, at tíðin er avtalað. Tú fært eisini eina áminning umvegis sms, beint áðrenn tú skal til lækna. Tú kanst eisini endurnýggja recept og avlýsa tíðina umvegis heimasíðuna.
Týskvøldið 6. mars kl. 19.30 verður hugnaløta á Vesturskin við
Páll á Lakjuni, Fuglafjørður
Øll eru hjartaliga vælkomin
Starvsfólkið á Vesturskin
Leygardagin 3. mars kl. 18.30 hevur Fornminnisfelagið í Nes kommunu alment hugnakvøld við eydnuhjóli á Svangaskarði.
Tórður Mikkelsen hugleiðir um sendingarnar “Við Tórði á túri”.
Borðreitt verður við kaffi og køkum.
Nevndin vil við hesum tiltaki vekja áhuga fyri felagnum og samstundis skaffa pengar til Bygdasavnið, sum arbeiðir við at skifta klædning og vindeygu á Gamla Prestagarði, eitt arbeiði, sum tekur tíð og er kostnaðarmikið, mett at kosta umleið kr. 1,5 mill.
Ynskir tú at tekna teg sum lim í Fornminnisfelagnum í Nes kommunu, er tú vælkomin at ringja +298 227096.
Eydnuhjólið:
Her eru góðir vinningar, m.a. lamb til heystar, men vit taka fegin ímóti lutum til eydnyhjólið. Lutirnir kunnu latast inn fríggjadagin 2. mars kl. 17.00 – 19.00 á Svangaskarði.
Øll eru hjartaliga vælkomin
Nevndin
Søkt verður eftir 1 námsfrøðiligum stuðli í tíðarskeiðnum 12. mars til og við 26. juni 2018.
Talan er um stuðul til næmingar í 2. og 5.fl., ið hava serligan tørv.
Vit vænta at tú:
Lønar- og setanartreytir:
Starvið sum stuðul verður lønt sambært sáttmála millum Føroya Pedagogfelag og Fíggjarmálaráðið.
Umsóknir:
Umsóknir við c.v. og avriti av prógvum skulu sendast til: tof@skulin.fo og vera skúlastjóranum í hendi í seinasta lagi hósdagin 8.mars kl. 12.00.
Nærri fæst at vita um størvini frá Duritu Jakobsen, skúlastjóra á tlf. 565050
_____________________________________________________________________
Tofta skúli hevur hetta skúlaárið 200 næmingar í 1. – 10.fl.
Tú kanst lesa meira um okkum á heimasíðuni www.toftaskuli.fo
