Í næstum tekur Tóri Restorff Jacobsen við sum leiðari fyri Nes Sóknar Musikkskúla eftir Johan Mortensen.
Í hesum sambandi skipar musikkskúlin fyri almennari móttøku í Tofta skúla týsdagin 4. desember kl. 16-17.30, har til ber at heilsa uppá teir báðar, Johan og Tóra.
Móttøkan byrjar kl. 16, og eru røður og tónleikainnsløg á skránni.
Musikkskúlin vónar at síggja samstarvsfelagar, foreldur og núverandi og fyrrverandi næmingar til móttøkuna.
Øll eru hjartaliga vælkomin.
Bygdarráðið hevur ásett nær bygdaráðsfundirnir verða í 2019.
Fundirnir byrja kl. 18.00 í fundarhølinum hesar dagar:
Mánadagin 28. januar Mánadagin 24. juni
Mánadagin 25. februar Mánadagin 2. septembur
Mánadagin 25. mars Mánadagin 30. septembur
Mánadagin 29. apríl Mánadagin 28. oktobur
Mánadagin 27. mai Mánadagin 25. novembur
Mál, sum skulu verða viðgjørd á bygdaráðsfundi, skulu verða kommununi í hendi 14 dagar áðrenn fundin.
NES KOMMUNA
Útbjóðing av reingerð og høvuðsreingerð á 1. hædd á Heilsumiðstøðini í Runavík
Tilboð ynskist uppá reingerð og høvuðsreingerð frá 1. januar 2019.
Á 1. hædd eru 3 læknaviðtalur við tilhoyrandi viðtalu- og viðgerðarrúmum, umframt ymiskum felagshølum. Íalt er talan um 28 rúm á íalt 402 fermetrar.
Nærri ásetingar um, hvat reingerðin fevnir um og treytir annars, fáast við at venda sær til Trivnaðardeildina í Runavíkar kommunu á tlf. 417000 ella á telduposti runavik@runavik.fo.
Runavíkar kommuna tilskilar sær rætt at velja millum innkomnu tilboðini ella ikki at taka av nøkrum tilboði.
Tilboð skulu vera Runavíkar kommunu kommununi í hendi í seinasta lagi 10. desembur 2018 kl. 12.
Mikudagin 28.11 kl 16.00 koma teir frá Undirhúsinum at syngja í tilhaldinum.
Drekkamunnur og okkurt gott afturvið.
Eins og undanfarin ár, skipar Nes kommuna fyri jólakonsert í Fríðrikskirkjuni aftaná at jólatrøini eru tendrað. Konsertin byrjar kl. 17.00.
Kór og einstaklingar eru øll úr Nes kommunu – hesi luttaka:
Øll eru hjartaliga vælkomin.
Jólatrøini í Nes kommunu tendrað leygardagin, 1. des.
Jólatræshaldið verður við jólatræið á Toftum og byrjar kl. 15.30. Elin á Torkilsheyggi, forkvinna í mentanarnevndini, bjóðar vælkomin og Nes Sóknar Musikkfelag, sum trúliga á hvørjum ári luttekur, spælir nøkur løg. Jóhannus M. Olsen heldur talu og tendrar jólatræið á Toftum.
Jólamennirnir koma við sløkkiliðsbili, og børnini fáa pakka.
Aftaná verða øll boðin í kjallaran í Fríðrikskirkjuni til kakao og bollar.
Kl. 17.00 verður jólakonsert í Fríðrikskirkjuni. Hesi luttaka: Jóhan Magnus Gunrim, Kirkjukórið í Fríðrikskirkjuni, Taborkórið, Bólkurin ELISHA, Kvinnukórið í Nebo og Undirhúskórið.
Missiónshúsið Tabor opnar Café at verða opin annanhvønn hósmorgun. Byrja verður í morginárini 8. november, kl 10.00.
Opið er frá kl. 10.00 til kl 12.00.
Á skránni verður hugnalig samvera, kaffi, prát og andakt.
Er brúk fyri bili kanst tú ringja tel. nr. 225836.
Missiónshúsið Tabor bjóðar øllum vælkomnum.
Eysturoyar Dansifelag boðar frá, at nú fríggjakvøldið tann 9. nov. 2018, kl. 20.00 til 21.00, kvøða tey í Hæddini í Saltangará. Tað er yvirav Tannlæknastovuni við Heiðavegin.
Tey kvøða slíkt, sum børn duga – og børn eru vælkomin at skipa .
Í steðginum fáa tey Sunkist og Tvix
Eysturoyar dansifelag vónar at nógv børn koma fríggjakvøldið, og vaksin eru vælkomin við.
Nes Sóknar Musikkskúli hevur sett Tóra Restorff Jacobsen í starv sum leiðara fyri musikkskúlan, sum fevnir um Nes og Runavíkar kommunur.
Tóri hevur musikklæraraútbúgving frá Tónlistarskúlanum í Reykjavík og kandidatútbúgving í tónleiki frá Syddansk Musikkonservatorium. Harumframt hevur hann tikið grundleggjandi leiðsluútbúgving og er í holtur við diplomútbúgvingina í leiðslu.
Tóri, sum er 39 ára gamal, hevur drúgvar royndir frá musikkskúlaskipanini í Føroyum, m.a. frá Nes Sóknar Musikkskúla, umframt frá musikkskúlum í Íslandi og Danmark. Tóri hevur sergrein í sello. Hann hevur tó eisini undirvíst í bass, klaver, teori og samanspæli.
Nýggi leiðarin tekur við starvinum 1. desember 2018.
Í samband við leiðaraskifti verður skipað fyri móttøku fyri nýggja leiðaranum og fyrrverandi leiðaranum, Jóhan Mortensen, sum fer frá fyri aldur í heyst. Móttøkan verður lýst seinni.
Hóskvøldið, 8. november kl. 19,00, skipar Fornminnisfelagið í Nes kommunu fyri almennum hugnakvøldi í gamla prestagarðinum á Nesi.
Joen Pauli Joensen, professari, hugleiðir um “Rekkjuvágir og seingjar-hoyggj”.
Borðreitt verður við kaffi og onkrum góðum afturvið og ikki minst at hava eitt hugaligt prát.
Nevndin í Fornminnisfelagnum ynskir øllum vælkomnum.
