Svimjihylurin í Tofta skúla er nú tómdur og umvæling av hylinum er byrja. Eftir ætlan, verður svimjandi aftur eftir summarfrítíðina.
Svimjihylurin, sum er frá 1981, hevur seinastu 2 árini verið fyri umfatandi dagføringum, sum tó ikki eru lidnar. 3 byggistig er eftir, og er byrja nú.
Í 2018 var fyrsta byggistig framt við at gera nýtt teknikkrúm. Annað byggistig var at útvega nýggja tekniska útgerð í teknikkrúmið, og bleiv tað gjørt í 2019.
Nú er triðja byggistig eftir, sum er sjálvur svimjihylurin. Arbeiði umfatar m.a. at leggja nýggj rør í botnin við nýggjum botndýsum, hækkað botnin og gera nýggja gólvfrárenningsrennu v.m., so svimjihylurin lýkur nútíðar heilsukrøv.
P/F Nomatek og Regin Joensen, múrari, standa fyri arbeiðnum.
