Í dag var móttøka á Blákrossheiminum á Nesi, nú nýggja heimið longu er 10 ár, virksemið 40 ár og Anna D Háberg tann 1. okt. tók við sum nýggjur leiðari eftir Leiv á Lakjuni, sum hevur verið fyribils leiðari í eina tíð.

Anna er 57 ára gomul, búsitandi í Tórshavn og ættað úr Fuglafirði. Hon er MA í trivnaðar- og tilfeingissálarfrøði, umframt aðrar leiðsluútbúgvingar. Anna hevur drúgvar leiðsluroyndir frá Varðhaldinum í Mjørkadali, Javna og Føroya Politi.

Til móttøkuna vórðu heilsanir og góðynski borin fram, og Gadders framførdi nakrar sangir.

Súni í Hjøllum, borgarstjóri, nýtti høvi, vegna Nes kommunu, at heilsa uppá og ynskja nýggja leiðaranum hjartaliga tillukku við ábyrgdarfulla starvinum, alt tað besta, framhaldandi blíðan byr og signing við arbeiðinum.