Nú byrjar arbeiðið uppá brimverjuna í Oyrunum aftur. Í løtuni er brimverjan komin út á 110 metrar, og nú verður farið undir at gera teir írestandi 70-80 metrarnar soleiðis, at brimverjan kemur út á 180-190 metrar.
RTS og Nes kommuna hava gjørt sáttmála um, at grótið verður fingið til vega úr lendinum sunnan fyri vatnbrunnarnar við Regnavegin. Eftir ætlan verður arbeiðið liðugt komandi vár.
At fáa brimverjuna liðugtgjørda er, vísandi til framløguna í Tofta skúla fyri stuttum, fortreytin fyri at fremja ætlanina um eitt trivnaðarøki við Rætt.
Nú nýggjur sáttmáli er gjørdur við RTS um grótið sunnan fyri vatnbrunnarnar, so er fyrr gjørdi sáttmálin millum Nes kommunu og Skákið broyttur. Íbúðarverkætlanin hjá Skákinum fevnir nú um økið norðan fyri vatnbrunnarnar.
