Tað er tikið væl ímóti kappingini tey undafarnu árini. Kappingin hevur verið fullteknað og væl av áskoðarum hava eisini verið til kappingina.
Sum skilst, so er kappingin eisini fullteknað í ár. Tað verða 20 mannfólkalið og 5 kvinnulið.
Kappingin er fyri allar borgarar í Nes kommunu og B68 fjepparar í útlegd. Aldursmarkið er 16 ár. 4 mans eru á hvørjum liði, men loyvi er at hava 1 eykaleikara. Í mesta lagi 2 leikarar kunnu hava spælt í Effodeildini ella í 1. deild í 2016.
Fyrireikararnir siga, at kostnaðurin er 300 kr. fyri liðið. Innkomni peningurin verður latin til okkurt vælgerandi endamál í Nes kommunu.
