Komandi vikuskifti, 16. og 17. mars, hevur Blái Krossur Føroya landsfund í missiónshúsinum Tabor á Toftum. Á skránni á landsfundinum verður m.a. almennur pallborðsfundur har umboð frá øllum politisku flokkunum luttaka, ungdómsmøti, sunnudagsskúli og ‘syng við’ kvøld.
Pallborðsfundur
Leygardagin kl. 15.30 verður pallborðsfundur, har umboð fyri allar politisku flokkarnar fara at tosa um evnið ‘Øll hava rætt til góð barnaár – týdningurin av at taka hond um børn, sum vaksa upp í heimum, har rúsur er ein avbjóðing’.
Orðstýrari verður Jón Brian Hvidtfelt
Skráin
Leygardagin 16. mars
- Kl. 14.00 Aðalfundur – skrá sambært viðtøkunum
- Kl. 15.30 Pallborðsfundur við umboðum úr øllum politisku flokkunum. Sløkkiliðsmennirnir luttaka við sangi
- Kl. 20.00 Blákross ungdómur skipar fyri ungdómsmøti
Sunnudagin 17. mars
- Kl. 14.00 Sunnudagsskúli v/Tóru Norðgerð
- Barnakórið í Tabor syngur
- Børnini fáa ballónir og sunkist
- Kl. 18.00 ‘Syngið við’ kvøld við harmonikuvinunum
