Forfatter: Súni í Hjøllum

Rigmor Dam, landsstýriskvinna, hevur sett Duritu Jakobsen í starvið sum skúlastjóra í Tofta skúla frá 1. januar 2018 at rokna.

Durita Jakobsen, sum býr í Syðrugøtu, er 45 ára gomul. Hon tók læraraprógv í 2002, AKT útbúgving í 2004 og útbúgving sum cand.pæd.pæd.psyk. í 2013. Eisini hevur Durita grundskeið í leiðslu, er náms- og sálarfrøðiligur ráðgevi í Tofta og Runavíkar skúla og hevur ávísar fyrisitingar- og leiðsluroyndir við atliti at trivnaðararbeiði.

Durita Jakobsen hevur drúgvar undirvísingarligar royndir, sum lærari í Tofta skúla, og hevur m.a. skipað AKT og SSP arbeiðið á skúlanum.

Nes kommuna ynskir Duritu hjartaliga til lukku og góða eydnu í nýggja starvinum.

Eins og undanfarin á liggja skattalistin frá 2016 og Fíggjarætlanin 2018 frammi á kommunuskrivstovuni hjá Nes kommunu frá 7. desember til 21. desember 2017 í skrivstovutíð.

Fíggjarætlan 2018

 

 

 

Jólatrøini blivu tendrað leygardagin 2. des, og byrjaði tiltakið kl. 15.30 við, at Elin á Torkilsheyggi, forkvinna í mentanarnevndini, bjóðaði vælkomin og greiddi frá skránni. Nes Sóknar Musikfelag, spældi nøkur løg, og Jaspur Langgaard helt talu og tendraði jólatræið á Toftum.

Jólamennir komu við sløkkiliðsbili, og børnini fingu góðgæti.

Aftaná vórða øll boðin í kjallaran í Fríðrikskirkjuni til kakao og bollar.

Jólakonsertin, sum var kl. 17.00 í Fríðrikskirkjuni, eydnaðist sera væl. Tey  sum luttóku vóru hesi: Kirkjukórið í Fríðrikskirkjuni, Petur Hans Hansen, Streingjakórið, Bólkurin ELISHA, Hans & Margretha Poulsen og Undirhúskórið. Framførslurnar vórðu í frammanfyri nevndu raðfylgju.

Her er talan hjá Jaspuri Langgaard. Trýst her

 

 

Almennir fundir hjá Nes kommunu í 2018

Fundirnir eru kl. 18.00 í fundarhølinum hesar dagar:

Mánadagin 29. januar                Mánadagin 25. juni

Mánadagin 26. februar             Mánadagin 27. august

Týsdagin     03. apríl                  Mánadagin 24. septembur

Mánadagin 30. apríl                  Mánadagin 29. oktobur

Mánadagin 28. mai                    Mánadagin 26. novembur

Mál, sum skulu verða viðgjørd á bygdaráðsfundi, skulu verða kommununi í hendi 14 dagar áðrenn fundin.

NES KOMMUNA

Eftir at jólatrøini í Nes kommunu eru tendrað leygardagin 2. Des. 2017, kl. 15.30, skipar Nes kommuna fyri jólakonsert í Fríðrikskirkjuni kl. 17.00.

Tey sum fara at luttaka eru hesi: Kirkjukórið í Fríðrikskirkjuni, Petur Hans Hansen, Streingjakórið, Bólkurin ELISHA, Hans & Margretha Poulsen og Undirhúskórið.

Bólkurin ELISHA, sum er avmyndaður omanfyri,  fer at framføra alment fyri fyrstu ferð.

Nes kommuna bjóðar til kakao og bollar millum kl. 16.00 og kl. 17.00, tvs. eftir at jólatrøini eru tendrað og áðrenn jólakonsertina.

Til barnagarðin verður søkt eftir 1 námsfrøðingi at arbeiða 30 tímar um vikuna frá 1. januar 2018

Vit ynskja at umsøkjarin:

• Dugir at seta seg inn í støðuna hjá tí einstaka barninum
• Hevur hug og áræði at skapa ein fjølbroyttan og tryggan dag saman við børnunum
• Hevur góð samstarvsevnir og kann taka ábyrgd
• Er við til at menna tað pedagogiska arbeiðið
• Hevur hug at røra seg og vera nógv úti í náttúruniLønin er sambært sáttmála millum Føroya Pedagogfelag og Kommunala Arbeiðsgevarafelagið.
  Meira fæst at vita um starvið við at venda sær til Tóru Johannessen leiðara á tlf. 565021.

Umsóknir
saman við prógvum og møguligum viðmælum skulu verða Nes kommunu í hendi í seinasta lagi fríggjadagin  8. des 2017 kl. 12.00.

Nes Kommuna
650 Toftir
www.nes.fo
nes@nes.fo

Jólatræshaldið verður leygardagin 2. des, og byrjar í ár kl. 15.30 við, at Elin á Torkilsheyggi, forkvinna í mentanarnevndini, bjóðar vælkomin og greiðir frá skránni. Nes Sóknar Musikfelag, sum trúliga á hvørjum ári luttekur, spælir nøkur løg, og Jaspur Langgaard heldur talu og tendrar jólatræið á Toftum.

Jólamennir koma við sløkkiliðsbili, og børnini fáa góðgæti.

Aftaná verða øll boðin í kjallaran í Fríðrikskirkjuni til kakao og bollar.

Kl. 17.00 verður jólakonsert í Fríðrikskirkjuni. Hesi luttaka: Kirkjukórið í Fríðrikskirkjuni, Petur Hans Hansen, Streingjakórið, Bólkurin ELISHA, Hans & Margretha Poulsen og Undirhúskórið. Framførslurnar verða í frammanfyri nevndu raðfylgju.

Á nýggju heimasíðuni hjá Nes kommuna, er møguleiki fyri at fáa  tíðindabræv, hvørja ferð nýggj tíðindi koma á heimasíðuna. Eisini hevur heimasíðan ein kalendara, við kunning um ymisku tiltøkini, sum eru í kommununi.

Niðast á heimasíðuni er møguleiki fyri, at tekna seg til tíðindabrævið og kunningina, við at skriva navn og teldupost og melda til.

Neyðugt er hjá øllum, at melda til av nýggjum, sum vóru tilmeldaði tíðindabrævið frá gomlu heimasíðuni.

Ætlanin var, at ættarsøgubindið – 3. bind í bygdasøguni Nes, Toftir, Saltnes – skuldi koma út í 2017. Men arbeiðið hevur verið drúgvari enn væntað, og hetta ger, at ættarsøgubindið ikki kemur fyrr enn á vári 2018.

Tað harmar okkum almikið, at ættarsøgubindið gjørdist jólatrøll. Men sum støðan er, fær tað ikki verið øðrvísi. Afturfyri kunnu vit vóna, at ættarsøgan gerst so lýtaleys, sum gjørligt.

Tað hevur ikki skortað upp á hjálp at fáa seinasta tilfarið til vega. Her hugsa vit fyrst og fremst um myndirnar, sum eini 30 fólk úr bygdunum settu sær fyri at savna inn eftir 10 døgum. Talan gjørdist um einar 800 myndir, og av teimum eru umleið 500 valdar út til ættarsøguna. Í flestu førum er talan um familjumyndir.

Umframt sjálva ættarsøguna, verða einar 50 síður við frásagnum um allar vanlukkurnar í bygdunum frá 1600-talinum til okkara dagar. Eisini verður ein leitiorðalisti til øll trý bindini.

Nes kommuna
Jóhannus Danielsen, borgarstjóri

 

Týsdagin 7. november var kirkjuráðsval. Tað vóru 376 veljarar á vali, sum er 44,3% av øllum veljarum. Tað komu 3 kvinnur og 4 menn inn í kirkjuráðið.

Kirkjuráðið sær nú soleiðis út:
Súni í Hjøllum, Toftir
Ólavur Magnussen, Nes
Bjørg Reinert Højgaard, Saltnes
Niclas Fr. Davidsen, Toftir
Inga Hansen, Toftir
Jonna Johannesen, Nes
Petur Jákup Petersen, Saltnes