Um tit yvast í hvat keypast skal í jólagávu, kann bygdasøgan, sum Nes kommuna gav út fyrr í ár í samandi við at kommunan bleiv 50 ár, verða eitt gott hugskot.
Bygdasøgan fyri Nes, Toftir og Saltnes, bind 1 og 2, fæst Hjá Pidda, Navia og bókhandlunum í Føroyum. Bókin kann eisini keypast á kommunuskrivstovuni.
Arbeiðið við vatnleiðingini er nú liðugt. Nú skuldu allir borgarar havt vatn.
Sunnudagin 10. desember, kl. 16.00, verður jólakonsert í Fríðrikskirkjuni.
Tað verða Kirkjukórið í Fríðrikskirkjuni og Kristiliga Sangkórið, sum aftur í ár hava felags jólakonsert.
Kórini hava havt felags jólakonsertir í fleiri ár, og eins og undanfarin ár hava tey eisini jólakonsert í Havnar kirkju. Konsertin í Havn verður leygardagin 9, desember, kl. 17.00.
Rigmor Dam, landsstýriskvinna, hevur sett Duritu Jakobsen í starvið sum skúlastjóra í Tofta skúla frá 1. januar 2018 at rokna.
Durita Jakobsen, sum býr í Syðrugøtu, er 45 ára gomul. Hon tók læraraprógv í 2002, AKT útbúgving í 2004 og útbúgving sum cand.pæd.pæd.psyk. í 2013. Eisini hevur Durita grundskeið í leiðslu, er náms- og sálarfrøðiligur ráðgevi í Tofta og Runavíkar skúla og hevur ávísar fyrisitingar- og leiðsluroyndir við atliti at trivnaðararbeiði.
Durita Jakobsen hevur drúgvar undirvísingarligar royndir, sum lærari í Tofta skúla, og hevur m.a. skipað AKT og SSP arbeiðið á skúlanum.
Nes kommuna ynskir Duritu hjartaliga til lukku og góða eydnu í nýggja starvinum.
Eins og undanfarin á liggja skattalistin frá 2016 og Fíggjarætlanin 2018 frammi á kommunuskrivstovuni hjá Nes kommunu frá 7. desember til 21. desember 2017 í skrivstovutíð.
Jólatrøini blivu tendrað leygardagin 2. des, og byrjaði tiltakið kl. 15.30 við, at Elin á Torkilsheyggi, forkvinna í mentanarnevndini, bjóðaði vælkomin og greiddi frá skránni. Nes Sóknar Musikfelag, spældi nøkur løg, og Jaspur Langgaard helt talu og tendraði jólatræið á Toftum.
Jólamennir komu við sløkkiliðsbili, og børnini fingu góðgæti.
Aftaná vórða øll boðin í kjallaran í Fríðrikskirkjuni til kakao og bollar.
Jólakonsertin, sum var kl. 17.00 í Fríðrikskirkjuni, eydnaðist sera væl. Tey sum luttóku vóru hesi: Kirkjukórið í Fríðrikskirkjuni, Petur Hans Hansen, Streingjakórið, Bólkurin ELISHA, Hans & Margretha Poulsen og Undirhúskórið. Framførslurnar vórðu í frammanfyri nevndu raðfylgju.
Her er talan hjá Jaspuri Langgaard. Trýst her
Fundirnir eru kl. 18.00 í fundarhølinum hesar dagar:
Mánadagin 29. januar Mánadagin 25. juni
Mánadagin 26. februar Mánadagin 27. august
Týsdagin 03. apríl Mánadagin 24. septembur
Mánadagin 30. apríl Mánadagin 29. oktobur
Mánadagin 28. mai Mánadagin 26. novembur
Mál, sum skulu verða viðgjørd á bygdaráðsfundi, skulu verða kommununi í hendi 14 dagar áðrenn fundin.
NES KOMMUNA
Eftir at jólatrøini í Nes kommunu eru tendrað leygardagin 2. Des. 2017, kl. 15.30, skipar Nes kommuna fyri jólakonsert í Fríðrikskirkjuni kl. 17.00.
Tey sum fara at luttaka eru hesi: Kirkjukórið í Fríðrikskirkjuni, Petur Hans Hansen, Streingjakórið, Bólkurin ELISHA, Hans & Margretha Poulsen og Undirhúskórið.
Bólkurin ELISHA, sum er avmyndaður omanfyri, fer at framføra alment fyri fyrstu ferð.
Nes kommuna bjóðar til kakao og bollar millum kl. 16.00 og kl. 17.00, tvs. eftir at jólatrøini eru tendrað og áðrenn jólakonsertina.
Til barnagarðin verður søkt eftir 1 námsfrøðingi at arbeiða 30 tímar um vikuna frá 1. januar 2018
Vit ynskja at umsøkjarin:
Umsóknir
saman við prógvum og møguligum viðmælum skulu verða Nes kommunu í hendi í seinasta lagi fríggjadagin 8. des 2017 kl. 12.00.
Nes Kommuna
650 Toftir
www.nes.fo
nes@nes.fo
Jólatræshaldið verður leygardagin 2. des, og byrjar í ár kl. 15.30 við, at Elin á Torkilsheyggi, forkvinna í mentanarnevndini, bjóðar vælkomin og greiðir frá skránni. Nes Sóknar Musikfelag, sum trúliga á hvørjum ári luttekur, spælir nøkur løg, og Jaspur Langgaard heldur talu og tendrar jólatræið á Toftum.
Jólamennir koma við sløkkiliðsbili, og børnini fáa góðgæti.
Aftaná verða øll boðin í kjallaran í Fríðrikskirkjuni til kakao og bollar.
Kl. 17.00 verður jólakonsert í Fríðrikskirkjuni. Hesi luttaka: Kirkjukórið í Fríðrikskirkjuni, Petur Hans Hansen, Streingjakórið, Bólkurin ELISHA, Hans & Margretha Poulsen og Undirhúskórið. Framførslurnar verða í frammanfyri nevndu raðfylgju.
