Í dag verður frumsýning av sjónleikinum “Fróði og aðrir kúllar” sýndur í Løkshøll. Tað eru næmingar í 10. flokki, sum er breytasamstarv millum Runavíkar- og Tofta skúla, sum skipað fyri og framføra. Sí tíðirnar á myndini.
Hetta er ein fittur og skemtiligur leikur, sum Ole Lund Korkegaard hevur skrivað. Leikurin er um nøkur børn, sum búgva í Hornhúsgøtu. Ein dagin verður stolið frá harðmælta Hr. Storm, og øll børnini seta sær fyri at fanga tjóvin.
Kostnaður 50 kr.
Hugnaløtan, sum var lýst at verða hóskvøldið 14. februar kl. 19.30 á Vesturskin, er avlýst.
Byggivirkið KBH reisti sær í gjár eina nýggja høll upp á Toftum, beint norðanfyri teirra verandi høll við Rætt á Toftum.
Høllin, sum er 560 fermetrar til støddar, er bygd upp við gittarsperrum og ein tjalddúkur verður spentur uttan yvir. Høllin fer at verða nýtt sum goymslu- og arbeiðshøll.
Byggivirkið KBH bleiv stovnað í 1999. Fyritøkan hevur síðani byrjan verið í støðugum vøkstri, og starvsfólkini eru í løtuni á leið 30 í tali. Síðani fyritøkan byrjaði, eru 20 timburmenn útlærdir hjá KBH.
Í august í fjør samtykti bygdaráðið at endurnýggja gravimaskinuna og mini-dumparan hjá kommununi. Í dag hevur tekniska deild hjá Nes kommunu fingið nýggju gravimaskinuna handaða. Mini-dumparin kom nakað undan jólum.
Gravimaskinan og dumparin er amboð, sum eru sera hent hjá teknisku deild og verða nógv brúkt í dagliga virkseminum til ymiskar uppgávur.
KJ hevur leverað maskinurnar.
Í gjár fylti Malla Olsen av Toftum, sum er elsta fólk í Føroyum, 104 ár. Familjan var savnað til føðingardag á dagtilhaldinum Vesturskin á Toftum, har Malla býr. Hóast høga aldurin, var føðingardagsbarnið til staðar og hugnaði sær saman við gestunum.
Undirvísing í binding og hjálp til egna binding. Skeiðið er ætlað bæði royndum og óroyndum.
Undirvíst verður mánakvøld frá kl. 19.00-22.00 hesar dagar: 11.02 – 18.02 – 25.02 – 04.03 og 11.03.
Tilmelding á toftaskuli.fo
Kostnaður: kr. 250,00
Undirvísari er Tinna Johansen tlf. 229404.
Eins og undanfarin ár skipar Nes kommuna fyri Várdøgum í 2019. Várdagar eru altíð í vikuni undan árliga Bátafestivalinum á Toftum, fyrsta leygardag í mai, sum í ár er 4. mai.
Várdagar eru í tíðarskeiðnum frá 27. apríl til 4. mai. Byrjað verður, sum vanligt, við ruddingardegi, leygardagin 27. apríl. Seinni verður lýst við skránni fyri ruddingardegnum og hinum Várdøgunum.
Várdagar er eitt fólksligt tiltak fyri allar borgarar í Nes kommunu og gestum úr øllum Føroyum og ferðafólkum. Øll eru vælkomin til tiltøkinum, sum næstan øll eru ókeypis.
Fyrireikingin við skránni er byrjað. Felagsskapir ella einstaklingar, sum ynskja at skipa fyri tiltøkum og fáa tey við í skránna fyri Várdagarnar, eru vælkomin at seta seg í samband við Nes kommunu, nes@nes.fo, í seinasta lagi 15. mars.
Hetta er sætta ári á rað, at Nes kommuna skipar fyri Várdøgum.
Mánakvøldið 28. januar, kl. 18.00, verður almennur bygdaráðsfundur hjá Nes kommunu. Fundurin verður í fundarhølinum við hesi dagsskrá:
Mál nr.: Málsheiti : Mál:
01/2019 Fíggjarmál Roknskapur 2017 – Kongshavnar Havn
02/2019 Fíggjarmál Rakstrarætlan 2019 – Kongshavnar Havn
03/2019 Fíggjarmál Lántøka
04/2019 Tekniskt mál Umsókn um byggiloyvi til sethús
05/2019 Tekniskt mál Umsókn um byggiloyvi til sethús
06/2019 Tekniskt mál Umsókn um byggiloyvi til íbúðarbygningar
07/2019 Tekniskt mál Umsókn um uppískoytisstykki
08/2019 Tekniskt mál Umsókn um uppískoytisstykki
09/2019 Trivnaðarmál Serflutning
Árliga svimjikappingin hjá Flot verður í Tofta skúla leygardagin, 26. januar 2019.
Tískil verður eingin almenn svimjing leygardagin.
Innskriving til 1. flokk komandi skúlaár verður í skúlanum
týsdagin 29. januar kl. 13.00
Havi dóps- ella navnaseðil við.
TOFTA SKÚLI
