Forfatter: Súni í Hjøllum

The Greatest Showman í Løkshøll

 

Næmingar í 10. fl. í Tofta og Runavíkar skúla fara nú at spæla leikin “The Greatest Showman”. Leikurin er fyri øll. Sýningarnar vera í Løkshøll.

Leikurin er um P. T. Barnum, ið veksur upp sum skraddarasonur, og tey mugu stríðast fyri at klára seg. Men treiski drongurin kemur ígjøgnum uppvøksturin, og sum vaksin giftir hann seg við barndómsunnustuni, ríkmannadóttrini Charity. Saman fáa tey tvær døtur, men rík eru tey ikki.

Barnum droymir stórar dreymar og er fullur av góðum hugskotum. Tað fer at ganga rætta vegin, tá ið hann byrjar eitt show, sum verður kallað eitt sirkus, við øllum møguligum serskøltum ella “Freaks”. Har er alt frá einari skeggjutari damu til dvørgar og hundadreingin.

Kortini eru tað ikki øll, sum eru so fegin um Barnum. Yvirstættin heldur lítið um hann, og dagliga upplivir hann ágang. Hinvegin er sirkusið til stóra gleði fyri undirstættina.

Men Barnum vil meira. Hann vil vera góðtikin av yvirstættini. Tað verður byrjanin til eina nýggja ferð í lívi hansara. Ein ferð, har hann má finna fram til, hvør hann í veruleikanum er.

 

Sunnudagin 25. apríl kl. 19.00 fer Kirkjukórið saman við næmingum og lærarum úr Nes sóknar musikkskúla at hava eina fjølbroytta konsert. Á skránni er solosangur, kór og orkestur, har m. a. ”O for the wings” av Mendelsohn, ”Jesus bleibet meine freude” av Bach og ”Pie Jesu” av Gabriel Fauré verða at hoyra eins og meira siðbundin kórsangur. Eisini fer ein strúkikvartett við musikkskúlalærarum at spæla.

Leygardagin  verður árligi ruddingardagurin:

Kl. 09-10: Morgunmatur í matstovuni hjá Faroe Origin

kl. 10-12: Ruddað verður kring um í kommununi

Kl. 12: Møta aftur á havnalagnum til:

-Sangløtu við Herborg Torkilsdóttir

-Træhandan og frágreiðing

-Umboð fyri IRF greiðir frá Bokashi

-Grillaðir búffar til matna

Sí skránna her.

Arbeiðið uppá at gera vegin til níggju grundøki á Ólavsvegi varð boðið út til seks arbeiðstakarar. Fýra bjóðaðu.

Lægsta tilboðið var 1,9 mió, meðan hægsta tilboðið var 2,8 mió. kr.

Nes kommuna hevur avgjørt at taka av lægsta tilboðnum, sum var frá JHR v/Høgna og Rúna Petersen.

Nes kommuna ber sjálv kostnaðin av at leggja ávísar leiðingar.

Tað er Teknistovan í Gøtu v/Henning Olsen og Jens Kl. Jacobsen, sum tekur sær av teknisku vegleiðingi og eftirlitinum fyri Nes kommunu.

Arbeiðið byrjar beinanvegin og skal verða liðugt um hálvan desember í ár.

Í morgun varð sáttmálin undirskrivaður av JHR-enterprenørum og Súna í Hjøllum, borgarstjóra.

Eftirspurningurin at seta búgv í Nes kommunu er vaksandi.

Til tess at lofta eftirspurninginum, hevur Nes kommuna nú ætlanir um at byggja íbúðir ella raðhús oman fyri vegin.

Økið er partur av matr. nr. 267e, sum kommunan eigur, og er tað góðar 2.000 fermetrar.

Fyri at fáa fjøltáttaða bygging verður økið bjóðað út til íbúðar- ella raðhúsabygging. Hetta er samsvarandi heildarætlanini, har fyrsta strekkið á nýggja vegnum eru sethús niðanfyri og eitt nú íbúðir og raðhús hinumegin vegin.

Áhugað kunnu venda sær til Nes kommunu á tlf. 565001 ella á nes@nes.fo, og har fáa nærri upplýsingar um byggiætlanina, prísir, tíðarætlan o.a. Víst verður annars til ásetingarnar fyri B-økið, sí byggisamtyktina á nes.fo.

 

Eldrafelagið á Toftum, hevur aðalfund í Tilhaldinum á Vesturskin

22. apríl 2021 kl. 19,00.

Skrá: sambært viðtøkum felagsins.

Kaj Leo H. Johannesen, landsstýrismaðurin í Heilsumálum verður við á fundinum.

 

Nevndin.

Vegna vánalig koyrilíkindi hevur IRF ikki havt møguleika at tømt bingjurnar.

Tí er Endurnýtsluvirkið stongt í morgin 10.04.2021.

Eitt starv sum sosialráðgevi hjá Barnaverndartænastuni við Skálafjørðin er leyst at søkja til setan 1. mai 2021 ella skjótast gjørligt. Arbeiðstíðin er full tíð.

Barnaverndartænastan við Skálafjørðin er eitt samstarv millum Nes, Sjóvar og Runavíkar kommunu, og vit halda til í hølum á Mýravegi 26 í Runavík. Á deildini starvast seks fólk, skrivari: sosialráðgevar og sálarfrøðingur.

 

Sí fleiri upplýsingar og søk starvið her.