Onnur tíðindi

Vípan frá Støkk nr. 10 í heiminum

Kvinnuunglingaliðið Vípan hjá Støkk bleiv nr. 10 til HM kapping av 30 í estetiskum fimleiki. Innleiðandi var leygardagin, og í finaluni sunnudagin kappaðust 14 lið. HM kappingin hevur verið í Budapest í Ungarn.

Støkk genturnar fingu 15,550 stig sunnudagin, sum er sera gott úrslit, og við teimum 14,900 stigum leygardagin bleiv samlaða úrslitið 30,450 stig, sum er besta úrslit hjá einum føroyskum kvinnuunglingaliði nakrantíð.

Á liðinum hjá Vípuni eru: Beinta Gaardbo, Elsa Maria Hansen, Rósa Hansen, Sandra Hansen, Miriam Jákupsdóttir Johansen, Sunnvá Weihe Johannesen, Rósa Hanusardóttir á Lógv, Bjørk Nolsøe og Heidi Napoleonsdóttir Jacobsen. Venjarar eru Ásleyg Toftegaard og Debora Ingvarsdóttir Stauss. Samskipari er Jónvá Thomsen.

4 av gentunum eru úr Nes kommunu: Elsa Maria Hansen, Rósa Hansen, Sandra Hansen og Miriam Jákupsdóttir Johansen.

Nes kommuna ynskir Vipini hjartaliga til lukku.