Venjingarhølið í Ítróttarhúsinum á Svangaskarði er nú tókt til nýtslu hjá øllum borgarum í Nes kommunu. Tað er ókeypis at nýta venjingarhølið.
Fyri at sleppa inn í venjingarhølið er neyðugt at hava lykil. Lykilin fæst frá umsjónarfólkinum, telf. 565008, og goldið verður kr. 200,00 í depositum fyri lykilin.
Við lyklinum fæst eisini atgongd til skiftingarrúmini og WC.
Ein skal verða 16 ár fyri at fáa lykil. Borgarar í Nes kommunu undir 16 ár hava atgongd til venjingarhølið saman við vaksnum.
Reglugerð fyri venjingarhølið er sjónlig í hølinum.
