Onnur tíðindi

Várdagar í Nes kommunu

Sætta árið á rað skipar Nes kommuna fyri Várdøgum. Várdagarnir verða í døgunum 27. apríl til 4. mai. Leygardagin 4. mai er árligi Bátafestivalurin á Toftum.

Skráin fyri Várdagar er fjølbroytt við nógvum spennandi tiltøkum til allar aldursbólkar.

Várdagarnir byrja 27. apríl við árliga ruddingardegnum. Kommunan bjóðar morgunmat frá kl. 9 og síðani verður farið til verka. Kl. 12 verður hugnaløta á havnalagnum har m.a. sangframførsla við ungdómsbólkinum ELISHA verður á skránni.

Ígjøgnum vikuna verða nógv ymisk tiltøk á skránni.

Sunnudagin 28. apríl verður konsert í Fríðrikskirkjuni við kirkjukórinum og musikkskúlanæmingum.

Mánadagin 29. apríl verður mannfólkakvøld á Svangaskarði, sum B68 skipar fyri, fyrilestur  á Bókasavninum í Tofta skúla og Line dansur í Oyrahandlinum.

Týsdagin 30. apríl skipar B68 fyri barnatiltaki á Svangaskarði, V.U. Hammershaimb kvøld verður í Gl. Prestagarði og á Svangaskarði verða gomul filmsbrot víst frá flakavirkinum Nyki og Tórður Mikkelsen hugleiðir (Tiltakið er flutt úr Tofta skúla).

Mikudagin 1. mai er familjugudstænasta í Fríðrikskirkjuni og Tofta Kvinnufelag skipar fyri kvinnukvøldi í Tofta skúla.

Hósdagin 2. mai verður útgávu konsert í Nebo við Jóhan Magnus Gunrim, har TOS og Ari Seward eisini luttaka.

Fríggjadagin 3. mai verður stór sangløta í teltinum á Havnalagnum har fleiri ymiskir bólkar luttaka og eisini verður ókeypis suppa at fáa.

Eisini kann nevnast, at málningaframsýningar eru í Oyrahandlinum og Gráasteinshúsinum har ávikavist Osla Gøthe og og Tórfinn Jacobsen sýna fram.

Almenn svimjing í svimjihylinum á Toftum er ókeypis meðan Várdagarnir eru.

Leygardagin 4. mai skipar Sherpa v/ Bárður Hansen fyri rapelling og klintring í Fossdali.

Várdagarnir enda við Bátafestivalinum á Toftum 4. mai, har nógv ymiskt er á skránni fyri alla familjuna.

Várdagarnir eru vanliga væl vitjaðir og vónandi er onki undantak í ár.

Nes kommuna bjóðar bæði bygdafólkið og vitjandi at vera vælkomin á Várdagar.

Øll skráin fyri Várdagarnar og Bátafestivalin sæst her á heimasíðuni og á facebook síðuni ”Várdagar í Nes kommunu”.