Mánadagin 24. febr. var føstulávintshald í skúlanum. Dagurin byrjaði við morgunsangi, síðan fóru næmingarnir at prýða seg til føstulávintshaldið.
Tá ið klokkan nærkaðist 9, fóru flokkarnir at sláa tunnu. Næmingarnir í 1. og 2. flokki slóu eina tunnu, 3., 4. og 5. flokki eina, 6. og 7. flokki eina og næmingarnir í framhaldsdeildin eina tunnu. Tá ið kattakongarnir vóru funnir, samlaðust øll í Miðhøllini, har farið var upp á gólv.
Í vikunum frammanundan føstulávint hevur hvør flokkur vant sítt kvæði ella vísu. Eisini hava vit havt vitjan av limum úr Eysturoyar Dansifelag, sum hava vant saman við okkum. Mánadagin varð tí kvøðið og dansað, so tað rungaði eftir í øllum skúlanum.
Eins og undanfarin ár, vóru foreldur, ommur og abbar boðin við til dansin, og ikki kann sigast annað, enn at tað vóru rættiliga nógv vaksin, sum ynsktu at vera við í føstulávintsdansinum.
Dagurin endaði við, at børnini fingu føstulávintsbollar og sunkist, meðan tey vaksnu fingu ein góðan drekkamunn.
Kvøðið varð:
Sigmundskvæði yngra
Øskudólgur og Sópingarkona
Kall og Svein ungi
Nú liggur ein kavafonn tindi á
Veturin kom við kulda og kava
Burtur á heiði
Nykursvísa
Stat op Santa Simeon
Flóvin Bænakiktson
Kópakvæði
Bjerget ligger langt ud i skoven
Fleiri myndir síggjast her!
Kelda: Heimasíðan hjá Tofta skúla
