Onnur tíðindi

Søkt verður eftir starvsfólki til tekniska økið

 

Søkt verður eftir starvsfólki við hóskandi førleikum til tekniska økið hjá Nes kommunu at byrja 1. november 2018 ella skjótast møguligt.

Arbeiðsuppgávur í høvuðsheitum:
• at hava ábyrgdina av vatnveitingini í kommununi
• at hava ábyrgdina av, at vatnroyndir verða tiknar regluliga
• at hava umsjón við vatnreinsiverkinum, vatnbrunnum, vatnleiðingum og      brandpostum
• at hava ábyrgdina av havnaumsjónini
• at hava dagligu fyrisitingina av havnini um hendi
• at hava umsjón við havnalagnum
• og eftir ávísari fyriskipan at arbeiða og samstarva við onnur innan kommunalu fyrisitingina

Vit ynskja, at starvsfólki:
• er álítandi, samstarvssinnað og hevur hegni og áhuga fyri tekniskum loysnum og viðlíkahaldi
• setir røkisskap og arbeiðssemi í hásæti
• hevur góðar førleikar at gera ymisk viðlíkahaldsarbeiði bæði skjótt og væl
• hevur teldukunnleika
• tolir skiftandi arbeiðstíðir
• dugir væl at síggja møguleikar heldur enn forðingar

Starvið hevur tilvísing til leiðarin fyri tekniska økið í Nes kommunu.

Løn verður ásett sambært sáttmála millum Kommunala Arbeiðsgevarafelagið og avvarðandi yrkisfelag.

Nes kommuna tilskilar sær rætt frítt at velja millum innkomnar umsóknir, og eisini rættin til ikki at taka av nakrari av innsendu umsóknunum.

Arbeiðstíð
Arbeiðstíðin er 40 tímar um vikuna, umframt at innganga í vaktarskipan um kvøldarnar og um vikuskifti.

Umsóknin
Umsóknin, við upplýsingum um royndir, møguliga útbúgving og viðmæli, skal sendast til

Nes kommuna
Toftavegur 3
650 Toftir
ella við telduposti til: nes@nes.fo – í seinasta lagi 12. oktober. 2018

Nærri upplýsingar um starvið fáast við at venda sær til Aksel Højgaard, leiðara fyri tekniska økið, á tlf. 447586 ella 565001.