Seinnapartin varð arbeiðstakarasáttmáli undirskrivaður millum Nes kommunu og JSJ, sum skal innrætta eitt høli í Mathiasa pakkhúsi til alment wc.
Tað var annars fyrr í heyst, at býráðið avjørdi at taka av tilboðnum frá JSJ.
Súni í Hjøllum, borgarstjórin, undirskrivaði fyri kommununa, meðan Jóhan Smith Jensen undirskrivaði fyri JSJ.
Eftir ætlan verður arbeiðið liðugt um mánaðarskiftið januar/februar í komandi ári.
Fuglark gjørdi útbjóðingartilfarið og fer eisini at hava eftirlit við arbeiðinum fyri Nes kommunu.
