Onnur tíðindi

Hevur tú ongan posa eftir ?

IRF ber nýggjar posar út í viku 12. Tvær ferðir árliga verða 28 gráir posar bornir út. Hetta strekkir til, at IRF heintar ein posa um vikuna, umframt at hvørt húski hevur tveir eykaposar til hvørt hálvár.

Tá 6 fólk ella fleiri eru í húskinum, hevur tú rætt til fleiri posar, og fært tú teir við at boða kommununi frá.

Manglar tú posar áðrenn viku 12, eru ov nógvir posar nýttir.

Innsavnararnir hjá IRF taka bert gráu og hvítu posarnar frá IRF og ikki aðrar svartar ella gráar posar.

Hvítu posarnir hjá IRF skulu bert nýtast til reint papp og pappír. Er annað burturkast í, verða teir ikki tiknir.  

Á www.irf.fo er yvirlit yvir, hvar posar fáast til keyps. Á síðuni eru eisini góð ráð til, hvussu gráu posarnir kunnu strekkja longur.