Fíggjarætlanin fyri 2021 hjá Nes kommunu bleiv mánakvøldið 30. november einmælt samtykt við triðju viðgerð.
Fyritreytirnar fyri inntøkunum eru, at skattaprosentið verður óbroytt, 20,5 prosent, og at barnafrádrátturin er óbroyttur kr. 5.500.
Nettoinntøkan fyri 2021 er mett til 63,1 mió. kr. í mun til 60,4 mió. kr. (v/eykajáttan), sum er metta inntøkan fyri 2020. Ein hækking uppá 2,6 mió. kr., ella 4,4 prosent.
Rakstrarkostnaðurin fyri 2021 er mettur til 54.7 mió. kr. í mun til 51,4 mió. kr. (v/eykajáttan), sum er metti kostnaðurin fyri 2020. Ein hækking uppá 3,3 mió. kr., ella 6,4 prosent.
Á barnaansingarøkinum verða ansingargjøldini óbroytt og frítíðarkortini á kr. 2.000 fyri hvørt barn millum 6 og 18 ár verða eisini galdandi í 2021.
Útgreining av rakstrarkostnaðinum í 2021:
| §1 | Kommunal fyrisiting | 5,1 | mió. kr. | |
| §2 | Almanna- og heilsumál | 19,4 | mió. kr. | |
| §3 | Børn og ung | 13,4 | mió.kr. | |
| §4 | Undirvísing | 4,2 | mió. kr. | |
| §5 | Mentan og frítíð | 4,1 | mió. kr. | |
| §6 | Teknisk mál | 4,8 | mió. kr. | |
| §7 | Kommunalt virksemi | 3,7 | mió. kr. |
Rakstrarúrslitið verður sostatt eitt avlop áðrenn íløgur á 8,4 mió. kr.
Í løtuni eru íløgur ígongd, sum eftir ætlan skuldu verða lidnar í 2020. Arbeiðið hevur drigið út og verður nú ístaðin liðugt í 2021. Talan er um Frítíðarskúlan, økið uttanum íbúðirnar á Kneysum og pumpuhúsið við Regnavegin. Avsettu upphæddurnar til hesar íløgur, sum ikki eru lidnar, verða fluttar til næsta ár.
Ætlanin er at gera nýggjar íløgur í 2021 fyri 3,4 mió. kr., netto.
Ætlaðu íløgurnar kunnu sundurgreinast soleiðis:
| Heilsumiðstøðin í Runavík | 0,1 | mió. kr. | |||
| Roðin økistænastan | 1,5 | mió. kr | |||
| Barnagarðurin | 0,3 | mió. kr. | |||
| Klæðing av frítíðarskúlanum | 0,2 | mió. kr | |||
| Útstykking / byggibúning /vegir (netto) | 0,8 | mió. kr. | |||
| Moldgoymslan | 0,4 | mió. kr. | |||
| Skálafjarðar Kommunala Sløkkilið | 0,1 | mió. kr. |
Úrslit aftaná íløgur er 5,0 mió. kr. og roknað er við at afturgjalda skuld við 2,9 mió. kr. Avlopið eftir avdráttir er kr. 2,1 mió. kr.
Í fíggjarætlanini fyri 2020 var roknað við at taka lán fyri 14,0 mió. kr., men orsakað av hægri inntøkum í 2020 enn væntað og íløgum, sum ikki eru lidnar, eru bert 2,0 mió. tiknar í lán higartil í 2020. Í løtuni er nettoskuldin niðanfyri ½ skattaálíkning.
Endaliga fíggjarætlanin fyri 2021 sæst her Fíggjarætlan 2021
Soleiðis samtykt á bygdaráðsfundi 30. November 2020.
Nes kommuna
Jóhannus Danielsen, borgarstjóri
