Onnur tíðindi

Felags foreldrafundur í Ungdómshúsinum á Toftum.

Týskvøldið 26. november kl. 19.00 verður felags foreldrafundur í ungdómshúsinum.

Vit fáa vitjan av fólkaheilsuráðnum, sum kemur at hava ein sera áhugaverdan fyrilestur, ið varpar ljós á sálarliga heilsu, hvussu vit kunnu styrkja okkara sálarligu heilsu og sálarligu heilsuna hjá okkara ungu.

Umframt fyrilesturin bjóða vit sjálvandi kaffi, te og okkurt gott afturvið, og høvi verður eisini til prát og at síggja hvat gongur fyri seg í ungdómshúsinum annars.

Hetta kvøldið er bert ætlað foreldrum. Fólkaheilsuráðið kemur aftur at vitja okkum hóskvøldið 28. november, og tá koma tey at tosa við okkara ungu.

Tiltakið er ókeypis.

Blái Krossur og Fólkaheilsuráðið skipa fyri.