Samtyktirnar frá Býráðsfundinum 22.04.2024 kunnu lesast her.
Broyting í innsavningini vegna 1. mai
Vegna 1. mai er broytingar í innsavningini hesa vikuna.
Heinta verður
Hósdag:
- Saltnes, Toftir og Nes
IRF
Várdagar 2024 – MÁNADAGUR
Várdagarnir byrja leygamorgunin kl. 9
Rulliportrið við reinisverkið
Nýggja rulliportrið er komið, og seinnapartin hósdagin 25. apríl verður verður vegurin opin aftur.
NES KOMMUNA
Várdagar og Bátafestivalur 2024
Felagskonsert í Fríðrikskirkjuni leygardagin 27. apríl kl. 17.00
Leygardagin 27. apríl kl. 17.00 verður felagskonsert í Fríðrikskirkjuni við Kirkjukórinum í Fríðrikskirkjuni, Kristiliga Sangkórinum og Sandskórinum. Susanne Brattaberg er kórleiðari hjá øllum trimum kórunum.
Eisini luttaka musikskúlanæmingar frá Nes Sóknar Musikkskúla, sum fara at spæla saman við kórinum og einsamalllir.
Føroysk og útlendsk løg verða framførd, m.a. eftir H. J. Højgaard, Knút Olsen og J. S. Bach.
Konsertin er partur av skránni hjá Várdøgum í Nes kommunu.
Elveitingin í Oyrunum
Vegna arbeiðið verður streymveitingin í bátahylinum slitin frá seinnapartinum í dag og meginpartinum av týsdegnum.
Skráin til býráðsfundin mánadagin 22.04.2024 kl. 18.00
Hesi mál vera fyri á býráðsfundinum 22.04.2024 kl. 18.00.
Mál nr. Málsheiti Málslýsing
38/2024 Tekniskt mál Umsókn um byggiloyvi
39/2024 Fíggjarmál Eykajáttan til Roðan – 2.viðgerð
40/2024 Fíggjarmál Afturlatið mál
41/2024 Fyrisitingarmál Afturlatið mál
42/2024 Fyrisitingarmál Afturlatið mál
43/2024 Starvsfólkamál Afturlatið mál
NES KOMMUNA
Nýggi fíggjarleiðarin byrjaður
Í morgun varð skipað fyri lítlari móttøku á kommunuskrivstovuni, nú Terji Petersen, nýggi fíggjarleiðarin, byrjaði í starvi hjá Nes kommunu.
Terji Petersen er ættaður úr Klaksvík, men býr í Hoyvik og er 46 ár. Hann hevur útbúgving sum búskaparfrøðingur, og hevur seinastu árini starvast í Tryggingareftirlitinum.
Terji Petersen hevur eisini drúgvar starvsroyndir úr Fíggjarmálaráðnum, har hann starvaðist í árunum 2006-2013, áðrenn hann tók við sum deildarstjóri í Heilsumálaráðnum, har hann arbeiddi í árunum 2013-18.
Selma Hansen, sum hevur verið roknskaparleiðari síðan á vári í 2009, hevur nú valt aðrar avbjóðingar.
Á samkomuni í morgun bjóðaði Súni í Hjøllum, borgarstjóri, nýggja fíggjarleiðaranum hjartaliga vælkomnum við ynski um gott samstarv.
Samstundis takkaði hann Selmu Hansen fyri nærlagni, trúgva tænastu og sera gott samstarv. Hann ynskti Selmu framhaldandi alt tað besta á lívsleiðini.