Onnur tíðindi

Ársroknskapurin fyri 2019

Á bygdaráðsfundinum mánakvøldið, bleiv ársroknskapurin hjá Nes kommunu fyri 2019 samtyktur.

Staðfest var, at samlaðu inntøkurnar fyri 2019 vóru hægri enn mett, og útreiðslurnar til rakstur og íløgur fyri 2019 vóru minni enn roknað bleiv við í fíggjarætlanini fyri 2019.

Nettoskattainntøkan hjá kommununi í 2019, eftir frádrátt av rentustuðli, var 62.3 mió. kr., sum er 6,8 mió. krónur hægri enn í 2018. Í javnaðu fíggjarætlanini fyri 2019 var roknað við eini nettoskattainntøku á 55,5 mió. krónur. Sostatt blivu samlaðu inntøkurnar í 2019 eisini 6,8 mió. krónur meiri enn mett í fíggjarætlanini.

Samlaðu rakstrararútreiðslurnar í 2019 vóru 47,9 mió. kr., ið er 1,3 mió. krónur meiri enn í 2018. Í javnaðu fíggjarætlanini fyri 2019 var roknað við einari samlaðari rakstrarútreiðslu á 49,1 mió. krónur. Sostatt blivu samlaðu útreiðslurnar í 2019 1,2 mió. krónur minni enn mett í fíggjarætlanini.

Rakstraravlopið í 2019 var sostatt 14,4 mió. krónur. Í javnaðu fíggjarætlanini var roknað við einum avlopið uppá 6,4 mió. krónur. Rakstraravlopið bleiv sostatt 8,0 mió. krónur betri enn mett.

Samlaðu nettoíløgurnar í 2019 vóru 18,0 mió. krónur. Í javnaðu fíggjarætlanini var roknað við einari nettoíløgu á 23,2 mió. krónur. Íløgurnar í 2019 blivu sostatt 5,2 mió. krónur minni enn mett í fíggjarætlanini.

Í upprunaligu fíggjarætlanini fyri 2019 var roknað við einum halli á 16,8 mió. krónum, men staðfesta hallið gjørdist 3,4 mió. krónur, ella 13,4 mió. krónur minni enn roknað var við.

Við árslok 2019 var nettoskuldin hjá Nes kommunu 24,9 mió. krónur.

Kommunur hava ikki loyvi at hava størri nettoskuld enn eina árliga skattaálíkning. Markið hjá Nes kommunu fyri árligari skattaálíkning pr. 31.12.2019 er 55,4 mió. kr., roknað við einum skattaprosenti á 23,0. Nettoskuldin hjá Nes kommunu er sostatt 45% av eini skattaálíkning.

Ársroknskapurin hjá Nes kommunu fyri 2019 sæst her  Roknskapur 2019.