Barnagarðurin

Svangaskarð 7
Fo-650 Toftir
Teldupostur: barnagardur@nes.fo

Leiðari

Jørgin Olsen, námsfrøðingur, Tlf. +298 448760/565021

Barnagarðurin

Sólarglottin 3-5 ár
Tlf. +298 565022

Sóldøgg børn 3-5 ár
Tlf. +298 565027

Dreymasóljan børn 3-5 ár
Tlf. +298 565026

Sólareyga børn 3-5 ár
Tlf. + 298 565024

Vøggustovan

Blákollan børn 0-3 ár
Tlf. +298 565035

Smæran børn 0-3 ár
Tlf. +298 565036

Summardáin børn 0-3 ár
Tlf. +298 565037

Gullsóljan børn 2-3 ár
Tlf. +298 565025

Endamál

Barnagarðurin er ætlaður børnum 2,5 – 7 ár og Vøggustovan er ætlað børnum 0 til 3 ár. Barnagarðurin og

Vøggustovan hava opið frá kl. 07.00 – 17.00.

Stovnarnir lata aftur hesar dagar kl. 12.00

Grundlógardag
Ólavsøkuaftan

Afturlatið er hesar dagar

Allar vanligar leygar-, sunnu- og halgidagar
Dagarnar millum jól og nýggjár
Flaggdagin
Ólavsøkudag
Ein ráðleggingardag um árið, fríggjadagin eftir Kristi himmalferðardag
Summarfrítíðin er í viku 29, 30, 31 og 32
FORELDRARÁÐIÐ
Gevur leiðaranum ráð og vegleiðing
Arbeiðir fyri at styrkja um samstarvið millum heim, stovn og kommunu.

Í ráðnum eru 3-5 limir, valdir fyri 2 ár í senn.

Foreldraráðið 2021/2022

Harda Hansen, forkvinna
Bjørk Wiggins
Frits Eið
Paula S. á Torkilsheyggi
Kristina Cole
Hjalmar Dalbúð
Absalon E. í Frammistovu
Helga í Frammistovu

Postkassin hjá foreldraráðnum hongur í garðinum omanfyri, yvirav kjallarahurðini. Foreldur eru altíð vælkomin, at koma við hugskotum, spurningum, rís ella rós og koyra tað í postkassan, so tekur foreldraráðið tað upp til viðgerð.

Foreldur eru eisini altíð vælkomin, at venda sær til leiðsluna ella starvsfólk, um tit hava okkurt uppá hjarta.

Børnini

Eiga at vera komin kl. 09.30, um ikki onnur avtala er gjørd.

Foreldrini, ella tey sum koma við barninum, verða vinarliga biðin um at hjálpa barninum úr klæðunum og fylgja tí inn í stovuna.

Minnist til at siga einum av teimum vaksnu frá, at barnið er komið. Minnist til at siga einum vaksnum frá, tá barnið fer heim.

Øll skulu vera farin heim kl. 17.00.

Matur

Barnið fær morgunmat á stovninum, um tað ikki hevur etið, tá ið tað kemur.

Børn hava matpakka við at eta á middegi.

Børnini fáa millummála uml. kl. 14.30.

Sjúka og frídagar

Er barnið sjúkt ella í viðgerð við heilivági, kann tað ikki koma í barnagarð.

Boðið frá áðrenn kl. 9.30, tá barnið verður heima vegna sjúku ella tað hevur ein frídag.

Barnagjaldið

Gjaldið til barnagarðin kr. 1.900,-
Gjaldið til vøggustovurnar kr. 2.200,-
Nes kommuna letur systkinaavsláttur, soleiðis at ein familja við fleiri enn 2. børnum, bert skal gjalda fyri tvey ansingarpláss. T.v.s. at tá 3. barnið hjá einari familju kemur í kommunala ansing, fellur gjaldið fyri tað elsta barnið burtur.
Juli mánaði gjaldsfríður.
Konto í BankNordik: 6460-169.751.1

Gjaldsreglur

Goldið verður forút við gjaldsskipan 01. í hvørjum mánaði.

Um eftirstøðan fer upp um 3 mánaðar, kann barnið verða uppsagt.

Frípláss

Møguleiki er at søkja um frípláss, eftir ávísum treytum.

Sig dagstovnapláss upp

Dagstovnapláss skal sigast upp í seinasta lagi ein mánaða, áðrenn barnið gevst, og skal hetta verða til tann fyrsta í mánaðinum.

Uppsøgnin av dagstovnaplássinum fer fram hjá leiðaranum.

Klæðir

Latið barnið í eftir veðrinum.
Umframt hetta eiga børnini at hava:

Regnklæðir
Gummistivlar
Kavadrakt
Ullintar hosur og vøttir
Skiftiklæðir, sum liggja í rúminum hjá barninum
Inniskógvar, hosur ella skóleistar at vera inni í, um foreldur og barn ynskja tað.
Vøggustovubørnini hava sjálvi bringuklút við

Foreldrini eiga at halda skil á klædnarúminum hjá barninum.

Foreldrini syrgja fyri at røttu klæðini eru í rúminum, so tað er lætt hjá tí at skifta.

Av trygdarávum skulu børnini ikki hava hálsturrukløð á stovninum.

Ruddið rúmið hvønn fríggjadag.

Navnið á barninum skal verða í klæðunum.

Leikur

Eftir avtalu við starvsfólkið kann barnið hava leiku við á stovnin.

Stovnurin hevur onga ábyrgd av, um leikur, sum barnið eigur, brotna ella hvørva.

Reglugerðir

Reglugerð fyru barnagarðin

Vøggustovan er ætlað børnum 0 – 3 ár.
So hvørt tørvur er á plássi til nýggj børn, flyta børn úr vøggustovu í barnagarð, tað árið tey fylla 3 ár, hetta er frá januar til juni.
Eftir summarfrítíðina í august mánaða flyta øll børn, sum fylla 3 ár í tí árinum í barnagarð.
Barnagarðurin er ætlaður børnum 2,5 – 7 ár.
Børn fáa pláss á stovninum soleiðis, at tey børn, sum hava staðið longst á listanum fáa pláss fyrst.
Um ikki verður tikið av plássinum, fer barnið afturum á listanum.
Barnið, og í minsta lagi annað av foreldrunum, skulu vera skrásett og fastbúgvandi í kommununi fyri at fáa ansingarpláss hjá Nes kommunu.
Í serligum førum kann gerast undantak frá hesum, tá Barnaverndin hevur givið sítt viðmæli.
Børn við serligum tørvi koma framum á bíðilistanum í teimum førum, har fakligur serkunnleiki hevur givið eina nágreiniliga lýsing av støðuni hjá barninum (her verður hugsað um málsligar, sálarligar og sosialar trupulleikar).
Barn, sum verður meldað út úr barnaansingini, og síðan seinni verður meldað inn aftur, kemur at standa aftast á bíðilistanum.
Børn, hvørs systkin frammanundan hava ansingarpláss, hava ikki framíhjárætt, men í hvørjum einstøkum føri verður miðað ímóti, at systkin fáa pláss á sama stovni, um foreldur ynskja tað.
Foreldur kunnu kæra avgerðir um upptøku til Trivnaðarnevndina hjá Nes kommunu.
Skriva títt barn upp til ansing so tíðliga sum gjørligt, tí tín umsóknardagur er tíðandi fyri, hvar á bíðilistanum títt barn kemur at standa og nær barnið kann fáa bjóða pláss.

Tíðarætlan yvir útluting av ansingarplássum:

Januar	Børn, sum hava tørv á plássi í apríl mánaða
Februrar	Børn, sum hava tørv á plássi í mai/juni mánaða
Mars	Børn, sum hava tørv á plássi í juli mánaða byrja í juni mánaða. Eingin upptøka er til barnaansingina í juli mánaða.
Apríl	Børn, sum hava tørv á plássi í august mánaða.
Mai
Juni	Børn, sum hava tørv á plássi í september/oktober mánaða
Juli	Børn, sum hava tørv á plássi í november/desember mánaða
August
September
Oktober	Børn, sum hava tørv á plássi í januar/februar mánaða
November
Desember	Børn, sum hava tørv á plássi í mars mánaða

Dømi: Hevur barn títt tørv á ansingarplássi í mai mánaða, vilt tú í februar fáa boð frá stovninum um hetta.

Børn fáa, sum útgangsstøði, altíð bjóða ansingarpláss frá 1. ella 16. í einum mánaða, tó í fyrsta lagið 2 mánaðir eftir, at umsóknin er móttikin.

Dømi: Er umsóknin móttikin 3. september, fær barnið pláss í fyrsta lagið 16. november.

Gjaldið: Barnagarður kr. 1.900,- Vøggustova kr. 2.200,-

Goldið verður forút, tó í seinasta lagið 10. í hvørjum mánaða.

Nes Kommuna veitir systkinaavsláttur, soleiðis at ein familja við fleiri enn 2 børnum, bert skal gjalda fyri tvey ansingarpláss. T.v.s. at tá 3. barnið hjá einari familju kemur í kommunala ansing, fellur gjaldið fyri tað elsta barnið burtur.

Um eftirstøðan fyri at hava barn á dagstovni fer upp um 3 mðr., kann kommunan ella stovnurin avgerða at siga plássið upp, tó soleiðis, at kommunan ella barnaverndin frammanundan hava viðgjørt spurningin, um heimild er at nýta frípláss.

Við útmeldan skal sigast frá hjá leiðaranum, í seinasta lagi ein mánaða áðrenn útmeldan, og skal hetta vera til tann 1. í mánaðinum.