Onnur tíðindi

Selma avloysur Marjun sum skrivari

Marjun Gaardbo, sum síðani 2013 hevur røkt skrivarastarvið hjá Nes kommunu, hevur valt at gevast. Nýggjur skrivari er Selma Hansen. Umframt at verða skrivari, fer Selma framhaldandi at røkja starvið sum roknskaparleiðari, sum hon hevur røkt síðani 2009.

Í samband við  skrivaraskiftið, eru eisini aðrar smærri bygnaðarbroytingar gjørdar á kommunuskrivstouni, har starvsfólk er fari upp í tíð og skrivstovulærlingur er settur í starv.

Tað er fyrstu ferð at Nes kommuna setir skrivstovulærling í starv. Talan er um Elsbet  Ellingsgaard Magnussen, sum býr í Saltnesi. Hon er byrja í dag, 1. okt. 2018.