Onnur tíðindi

Seinasta tunnilsskotið í Rókini


Dagurin í gjár í Rókini, sum nógv høvdu bíða spent eftir, var søguligur, tá ein av varðunum í hesi stóru tunnilsverkætlan bleiv rundaður, og skotið bleiv ígjøgnum Í Rókini og tunnil er millum armarnar báðar, á Skálafjørðinum. Nú eru bert 300 m eftir, til Eysturoyartunnilin er liðugt borðaður, um 3 vikur ella so.

Nógv fólk var samankomið við tunnilsmunnan á Rókini. Umleið fimm metrar vóru eftir at spreingja.

Jóhannus Danielsen, borgarstjóri í Nes kommunu, Tórbjørn Jacobsen, borgarstjóri í Runavíkar kommunu, og Artur Johansen, borgarstjóri í Sjóvar kommunu, trýstu á knøttin.

Eftir at skotið varð, sluppu øll fólkini yvir til sjálvan tunnilsmunnan, og so at síggja holið. Eftir eina løtu sóust arbeiðsfólkini hjá NCC koma hinumegin frá og ganga uppum grótrúgvuna, og tað var klappa fyri teimum.

Síðani varð farið í Løkshøll, har Teitur Samuelsen, stjóri í Eystur- og Sandoyartunlinum bjóðaði vælkomin. Síðani helt Heðin Mortensen, samferðslumálaráðharri, røðu. Eftir tað hildu teir tríggir borgarstjórarnir við Skálafjørðin røðu hvør eftir annan.

Í Løkshøll varð eisini bjóðað køka og kaffi.

DroneDirector hevur tikið myndina.