Onnur tíðindi

Flagg Regatta á Toftum – Flaggsigling 2019

Aftur í ár er Regatta á skránni, í ár undir heitinum ” Flaggregatta 2019″

Tey gomlu træseglskipini sigla frá Tórshavn, Klaksvik, Tvøroyri og Vági til Toftir, 21. juni, síðani til Tvøroyar, 22. juni. Skipini sigla heimaftur sunnudagin 23. juni.

Ferðaseðlar kunnu keypast  á kunningarstovunum kring landið, ella á www.atgongumerki.fo.

Einkult ferð kostar 300 kr. og allur teinurin kostar 800 kr. Børn, yngri enn 14 ár, ferðast ókeypis saman við vaksnum. Gistast má í landi.

Skipini koma í Tofta Havn 21. juni, kl. 19,00, har Nes kommuna skipar fyri móttøku og manningarnar vísa vitjandi runt umborð á skipunum. Væntandi verða skipaini eini 8-10 í tali.

Á kajøkinum verður festivaltelt sett upp, og møguleiki verður at keypa sær góðan døgura. Kl. 21. 00 verður “syngið við” tiltak í teltinum við luttøku av Fuglafjarðar Harmonikufelag og Hilmar Jan Hansen.

Nærri skrá fyri fríggjakvøldið 21. juni verður lýst seinni.