Onnur tíðindi

Falkon fekk Agnið

Tað verður entreprenørfelagið Falkon úr Saltnesi, sum skal breiðka 250 m av Agninum fyri Nes kommunu

Lisitatiónin var 5. oktober 2017 og í dag undirskrivaðu Falkon og Nes kommuna undir sáttmála.

9 arbeiðstakarar vóru bjóðaðir til at geva tilboð og 4 arbeiðstakarar lótu tilboð inn.

1. Falkon kr. 2.455.474.
2. JHR kr. 2.464.682.
3. RTS kr. 2.825.200.
4. Kreton kr. 3.060.500.

Afturat tilboðskostnaðinum kemur kostnaður fyri keyp av lendi, gøtulyktir og projektering.

Vegurin frá íbindingini í Nesveg og 250 m niðan, verður dagførdur og gongubreyt verður gjørd. Eftir dagføringina er koyrivegurin 6,0 m breiður og gongubreytin 1.5 m breið. Eisini verða nýggjar kloakk- og vatnleiðingar lagdar, eins og nýggj gøtuljós verða sett upp.

Arbeiðið byrjar seinni í ár og verður liðugt komandi summar.