Grundstykkir 

  

Á bygdarráðsfundi í Nes kommunu 26. Juni 2017 samtykti bygdarráðið at fara undir 2 nýggjar útstykkingar. 8 grundstykkir norðureftir frá verandi Gaddavegi og 8 grundstykkir norðureftir frá verandi Høganesvegi. Nes kommuna fer nú undir eina tilgongd at ogna sær økini, at tekna og gera ætlan fyri útstykkingarnar. Nú er møguleiki at seta seg uppá ein tilmeldingarlista.

Tilmeldingarlistar til hesar báðar nýggju útstykkingarnar:

Hóast útstykkingarnar ikki eru klárar, er nú møguleiki fyri at seta seg uppá ein tilmeldingarlista til hesi grundstykkir. Tá útstykkingarnar eru endliga projekteraðar og góðkendar, verður lutakast millum tey fyrstu á tilmeldingarlistunum, um hvat fyri grundstykki tey fáa.


Fyri at koma á tilmeldingarlistan, og tryggja javnbjóðis møguleika, eru niðanfyri settu treytir galdandi:
- Tað eru 2 tilmeldingarlistar: 1. Gaddavegur og 2. Høganesvegur
-  18 ára aldursmark er fyri at koma á tilmeldingarlistan

-  Fyri at koma á tilmeldingarlistan skal gjaldast kr. 30.000 á konto nr. 6460-220.640.6 hjá Nes kommunu. Tilmeldingin er galdandi tá umsókn, um at koma á listan, og tilmeldingargjaldið er Nes kommunu í hendi. Tilmeldingargjaldið verður mótroknað tá grundstykkið skal gjaldast.
-  Tú skal hava ítøkiligar ætlanir um at byggja á grundstykkið. Sambært galdandi reglum skal byggjast í seinasta lagi 2 ár eftir, at skeytið er útskrivað.

 


Fyri at koma á tilmeldingarlistan skal skrivliga boðast frá hjá:


Nes kommunu

Toftavegur 3

FO-650 Toftir


Ella við telduposti á nes@nes.fo

 



Umsókn um grundstykki
 
Um tit ynskja grundøki frá kommununi, skulu tit senda umsókn til Nes kommunu.

Kommunan arbeiðir sjálvandi alla tíðina við ymiskum ætlanum um at gera nýggjar útstykkingar. Kommunan kunnar leypandi um, hvørjar ætlanir verða realiseraðar.
 

Vegleiðandi treytir fyri at søkja um loyvi til bygging.

Um tygum hava ætlanir um at byggja eitthvørt, tað veri seg sethús, uppíbygging, bilhús, hjall, garð, ella broyta verandi ogn munandi, krevst skrivligt byggiloyvi frá kommununi.

Umsøkjari kann, um hann hevur ogna sær grundstykki, og hevur eina greiða ætlan um byggingina, og útvega tekningar og aðrar viðkomandi upplysingar, søkja beinleiðis um byggiloyvi.

Viðhvørt kann tað vera skilagott fyrst at grava út (tað kann vera soleiðis, at ein fær í boði grót, ella aðrar orsøkir eru til tað), tá kann ein fyrst søkja um graviloyvi, sum fyriskrivað niðanfyri.

 

 
1. Skrivlig umsókn dagfest og undurskrivað frá eigara av viðkomandi ogn.

 

2. Skitsa av húsinum, dagfest og undurskrivað, skal fyriliggja, sum greitt vísur skap, vídd og hædd ( t.v.s. síður og endar ), so byggivaldið kann fáa eina fatan av húsinum.

 
Annars verður víst til byggisamtykt fyri Nes kommunu.
 
Gevi gætur:

Eru munandi broytingar frá innsendu tekningum til graviloyvi, og teimum tekningum í umsóknini til endaligt byggiloyvi, kann byggivaldið áleggja eigaranum at broyta byggihædd, planeringshædd, ella byggilinju v.m.

 
Til tykkara kunning, so er tað skilagott at boða frá hjá Føroya Tele, og SEV og biðja um avlurting av møguligum leiðingum, áðrenn útgrevsturin byrjar. - tað er ókeypis.
 
Eru spurningar, kann ringjast til teknisku deild.
tlf. 56 50 01