Onnur tíðindi

Alzheimerfelagið skipar fyri kafé í kantinuni í Løkshøll í Runavík, mikukvøldið 30. maj kl 19

  • 3
    Shares

Tiltak verður fyri fólk við demenssjúkum, avvarðandi teirra, starvsfólki innan heilsuøkið, politikkarum og øðrum áhugaðum.

Skráin er hendan:

1. Malan Mohr, forkvinna, bjóðar vælkomin og kunnar um arbeiði felagsins.

2. Marjun Restorff, demenssamskipari, kunnar um demensklinikkina.

3. Kunnað verður um tilboðini, Almannaverkið hevur til fólk við demenssjúku, sum eru yngri enn 67 ár.

4. Unn Justinussen, demenssamskipari í Roðanum, kunnar um tilboðini, Roðin bjóðar fólki við demenssjúkum. Eisini kunnar hon um, hvørjar ætlanir arbeitt verður við.

5. Erika Petersen, ið hevur fingið staðfest sjúkuna Alzheimers, sigur frá sínum lívið við demens.
Síðan verður orðið frítt og høvið verður at seta spurningar og at koma við ynskjum, hugskotum og hjartasuffum.

Fyri at fáa eina hóming av, hvør tørvur er hjá fólki við demenssjúkum, avvarðandi teirra og annað í hesum sambandi, vónar Alzheimerfelagið, ið er talurørið hjá hesum bólki, at nógv fólk taka av hesum tilboði.

Borðreitt verður við kaffi/te og køkum

Verið vælkomin – Alzheimarfelagið